കോട്ടയം: വെള്ളൂർ പേപ്പർ മില്ലിൽ (കെപിപിഎൽ) വൻ തീപിടിത്തം. ഇന്ന് വൈകിട്ട് ആറുമണിയോട് കൂടിയായിരുന്നു സംഭവം. രണ്ടുപേർക്ക് പൊള്ളലേറ്റു. 8 ഫയർഫോഴ്സ് യൂണിറ്റുകൾ എത്തിയാണ് തീ നിയന്ത്രണവിധേയമാക്കിയത്.
പേപ്പർ മെഷീനിന്‍റെ ഭാഗത്താണ് തീപിടിച്ചത്. മെഷീനുകൾ അടക്കം കത്തി നശിച്ചു. പരിസരമാകെ കറുത്ത പുകയാൽ നിറഞ്ഞു. മുക്കാൽ മണിക്കൂറോളം നീണ്ടുനിന്ന തീ കടുത്തുരുത്തിയിൽനിന്ന് അഗ്നിരക്ഷാ സേന എത്തിയാണ് നിയന്ത്രണവിധേയമാക്കിയത്.