ഇംഫാൽ: മണിപ്പൂർ ബിഷ്ണുപൂരിൽ സൈനിക വാഹനത്തിന് നേരെയുണ്ടായ വെടിവയ്പ്പിൽ രണ്ട് ജവാൻമാർക്ക് വീരമൃത്യു. അസം റൈഫിൾസിന്റെ വാഹനത്തിന് നേരെയാണ് വെടിവയ്പ്പുണ്ടായത്. ഗവർണർ അജയ്കുമാർ ഭല്ലയുടെ ഓഫീസ് ഇക്കാര്യം സ്ഥിരീകരിച്ചു. ആക്രമണങ്ങളെ ശക്തമായി അപലപിക്കുന്നതായി ഭല്ലയുടെ ഓഫീസ് പ്രസ്താവനയിൽ അറിയിച്ചു.
വെള്ളിയാഴ്ച വൈകുന്നേരം 6 ഓടെ ബിഷ്ണുപൂരിലെ നമ്പോൾ സബൽ ലെയ്കായ് പ്രദേശത്താണ് ആക്രമണം. അസം റൈഫിൾസ് ഉദ്യോഗസ്ഥരുടെ വാഹനങ്ങൾക്ക് നേരെ അജ്ഞാതരായ തോക്കുധാരികൾ വെടിയുതിർക്കുകയായിരുന്നു. നാല് സൈനികർക്ക് പരിക്കേറ്റതായും റിപ്പോർട്ടുണ്ട്.
അസം റൈഫിൾസിന്റെ വാഹനങ്ങൾ ഇംഫാലിൽ നിന്ന് ബിഷ്ണുപൂരിലേക്ക് പോകുമ്പോഴാണ് ആക്രമണം നടന്നതെന്ന് ഉദ്യോഗസ്ഥർ പറഞ്ഞു. ആക്രമണം ഞെട്ടലുണ്ടാക്കുന്നതെന്ന് മുഖ്യമന്ത്രി എൻ. ബിരേൻ സിങ് കുറിച്ചു.