കളമശ്ശേരി സംഭവം: വ്യാജസന്ദേശങ്ങള് പ്രചരിപ്പിക്കുന്നവര്ക്കെതിരെ നടപടി
മതസ്പര്ദ്ധ, വര്ഗീയ വിദ്വേഷം എന്നിവ പരത്തുന്ന തരത്തില് സാമൂഹികമാധ്യമങ്ങളിലൂടെ സന്ദേശങ്ങള് നല്കുകയും പ്രചരിപ്പിക്കുകയും ചെയ്യുന്നവര്ക്കെതിരെ കര്ശന നടപടി സ്വീകരിക്കുമെന്ന് സംസ്ഥാന പോലീസ് മേധാവി ഡോ. ഷെയ്ഖ് ദര്വേഷ് സാഹിബ് അറിയിച്ചു. കളമശ്ശേരി സംഭവത്തിന്റെ പശ്ചാത്തലത്തിലാണ് മുന്നറിയിപ്പ്.
ഇത്തരം സന്ദേശങ്ങള് പ്രചരിപ്പിക്കുന്ന അക്കൗണ്ടുകള് കണ്ടെത്താനായി സാമൂഹികമാധ്യമങ്ങളില് പോലീസ് 24 മണിക്കൂറും നിരീക്ഷണം ശക്തിപ്പെടുത്തി.