റിപ്പോർട്ടർ : സുരാജ് പുനലൂർ
പുനലൂര് കലയനാട് പ്രാഥമിക നഗരആരോഗ്യ കേന്ദ്രത്തിന്റെ ആഭിമുഖ്യത്തിൽ കലുങ്ങുംമുകൾ വാർഡിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു. കുതിരച്ചിറ എൻഎസ്എസ് കരയോഗ മന്ദിരത്തിൽ വച്ച് നടന്ന ക്യാമ്പില് നൂറുകണക്കിന് പേര് പങ്കെടുത്തു.
ജനറൽ മെഡിസിൻ, ദന്തൽ വിഭാഗം, സ്കിൻ വിഭാഗം തുടങ്ങി വിവിധ മേഖലകളിൽ രോഗികളെ പരിശോധിച്ചു സൗജന്യമായി മരുന്ന് വിതരണവും നടത്തി. ലബോറട്ടറി സൗകര്യവും ഒരുക്കിയിരുന്നു. നഗരസഭാ പ്രതിപക്ഷ നേതാവും വാര്ഡ് കൗണ്സിലറുമായ ജി.ജയപ്രകാശ് അധ്യക്ഷത വഹിച്ചു. ഡോക്ടര് പ്രിയങ്ക, ഡോക്ടര് ജുനി,ഡോക്ടര് രേഖ എന്നിവര് പരിശോധനയ്ക്കു നേതൃത്വം നല്കി. രമ, ഗിരിജ സരസന്, ഗീത രാജേന്ദ്രന്, കാര്ത്തിക എന്നിവര് ക്യാമ്പിന് നേതൃത്വം നല്കി